共產黨派人溫馨提示香港人網

HDTV

隔牆有耳：香港人網為搵錢少談政治
2010年07月28日

大氣電波未開放，網上電台近年百花齊放，蕭若元辦嘅「香港人網」應該係最多聽眾嘅網台，皆因有多個名嘴，「網上執政黨」社民連幾個領導人，包括陶君行、黃毓民、長毛及馬草泥等，都喺「人網」 My Radio開咪，令網台更多擁躉。

雖然「人網」同 My Radio合作無間，但八方聽聞雙方會「分家」， 9月起 My Radio會獨立運作，「人網」節目多談風月，少談政治。

江湖傳聞「人網」同 My Radio分手，涉及經濟同政治因素，由於社民連透過網台動員力好勁，特別係 80後，好多都係聽網台號召而上街，引起中聯辦注意，而蕭若元要繼續拍電影入大陸市場，為免受壓力，都係分開啲好。

八方噚日問蕭若元，佢承認分家有政治因素，詳情星期五在自己網台節目交代。

香港人網因為之前參與幾個公民運動，被共產黨派人溫馨提示，認為他們在網上發起反政府勢力，叫他們日後小心講野，而且扣留了一位同人網工作的人員，警告香港人網，蕭若元係多方考慮下，會同LSD分台廣播，使香港人網日後角色中立一點，所以如果Talkonly的聽眾去到某一個地位，相信都會有人來。

今晚蕭若元係節目中交代了事件。