:: 講台討論區 ::

 找回密碼
 註冊
搜索
熱搜: 活動 交友 discuz
查看: 3880|回復: 0

史健仁: 佢打市民,關我屁事?

[複製鏈接]
發表於 2016-2-13 14:46:55 | 顯示全部樓層 |閱讀模式
本帖最後由 immi 於 2016-2-13 14:50 編輯

佢打市民,關我屁事?

HK Police

HK Police


「警察都有好壞,你點可以因為一兩個壞警察,而將整個警隊睇成為警渣?」人類欠缺常識,而又以為自己諗既就係常識,係最為可笑。

紀律部隊(Disciplinary Forces),顧名思義即係受到特別紀律約束既部隊。香港而家有七支紀律部隊,警隊就係其中一支,而且係被賦予權力及軍備嘅紀律部隊。

紀律部隊有兩大教條:第一,紀律(Discipline);第二,團隊精神(Team Spirit)。紀律,即係遵從上司既命令,不得違抗。團隊精神,即係集體主義,不容許個人主義,團隊合作,就團隊負責。

一個team裡面既警察做錯事,就算其他成員冇做錯,整個team都會受到同樣既責備及批評,因為全世界既紀律部隊都講求團隊精神。學警入學堂步操,如果你個team有學警向前仆低,同一team既全部學警都要再操過或加操。如果你同教官講:「只係我自己跌低姐,唔關佢哋事,淨係罰我一個啦。」你認為教官會唔會只罰你一個?唔清楚既,可以去問下王喜或張家輝。

此外,下屬做錯事,上司就要負責,無論下屬既錯同上司有冇關係都好,都要負上責任。去年美國一名警察於校園內粗暴對待黑人女學生,當區警長隨即認錯及向市民道歉。犯錯唔係警長,但竟然係警長出嚟認錯及道歉,因為紀律部隊係必須講求紀律。如果覺得甘樣唔得符合普世價值既公平原則,就唔好加入紀律部隊。

因此,就算一個team既警察當中只有一個無緣無故毆打或老屈市民,整個team就需要接受責備及批評,因為紀律部隊係團隊負責,不含個人主義,唔存在「佢打市民,關我屁事?」既情況。

你覺得甘樣唔合理唔公平咩?冇問題,只要香港警隊一哥公開宣稱香港警察唔再係紀律部隊,唔再講求紀律及團隊精神,PC5619只代表PC5619本人,佢以個人身份向群眾開槍,甘就得架啦。但係一隊冇紀律冇團隊精神既警隊,就即係有槍既流氓。

有兩隻曱甴係乳豬頭走左出嚟,但其他部位冇曱甴,如果我話成隻乳豬都唔食得,你會覺得我好野蠻嗎?警察,就係呢隻乳豬。


註:照片來自網絡,非本人所拍。
您需要登錄後才可以回帖 登錄 | 註冊 |

本版積分規則

小黑屋|手機版|Archiver|talkonly.net

GMT+8, 2024-3-29 15:23 , Processed in 0.048710 second(s), 19 queries .

Powered by Discuz! X3.1

© 2001-2013 Comsenz Inc.

快速回復 返回頂部 返回列表